Қазақстан ауыл шаруашылығы секторын дамытуға, жерді тиімді пайдалануға және су ресурстарын басқаруға көңіл бөлуде. Сонымен қатар, су сапасы мен тапшылығы, әсіресе трансшекаралық өзендерге қатысты мәселелер бар. Біз ұлттық институттар мен халықаралық ұйымдармен бірлесе отырып, Қазақстандағы су және жер пайдалану жүйелеріне әсер ететін факторларды зерттейміз.

Соңғы жылдары Қазақстанда климаттың өзгеруімен күресу үшін экологиялық таза энергияны пайдалану қажеттілігіне назар аударылуда. Энергетикалық секторы мен оған қатысты салалар тұрақты даму туралы есептерінде экологиялық, әлеуметтік және басқарушылық көрсеткіштерді қамти бастады. Дегенмен, баламалы энергия көздерін дамыту мен тиімді пайдалану бойынша шешуді қажет ететін бірқатар мәселелер бар. Біз таза энергетика мен климаттың өзгеруі саласында зерттеулер жүргіземіз.

Университеттер мен басқа да жоғары оқу орындары зерттеулер, білім беру, оқыту, кампус қызметі және көшбасшылық арқылы ТДМ-ға (Тұрақты даму мақсаттарына) қол жеткізуде маңызды рөл атқарады. Қазақстанның түрлі оқу орындарында тұрақтылық пен ТДМ-ның жекелеген элементтері зерттелуде, бірақ кешенді бағдарламалар жеткіліксіз. Біз тұрақты даму ғылымын оқу бағдарламаларына енгізуге және жоғары білім беру жүйесінде ТДМ-ды ілгерілетуге назар аударамыз.